MJINI, KUSHANGAA MUHIMU.

Hapa ni dakika chache tu baada ya kutokea tukio la wizi kwenye moja ya maduka yaliyopo katika mtaa huu mfupi unaoelekea Soko kuu (ukipitia kwenye tawi jipya la NMB-Arusha). Mkusanyiko huu haukuja kirahisi hivi. Kwanza wote hawa unaowaona, na wengine wengi tu usiyowaona kwenye picha, walitawanyika hovyo huku na kule mfano wa vifaranga vya kuku visivyokuwa na mama, baada milio kadhaa ya risasi za waporaji ndani ya duka hilo kurindima hewani. Waporaji walifanikiwa kupora kiasi cha pesa na kutoweka. Hapa sasa ikabaki kila mmoja na la kwake mdomoni! Mwingine simu sikioni akipeleka habari! Mwingine akijifanya yeye ndiye aliyeona vema kila kitu! Ilimradi hapa, kila mmoja sasa alikuwa na la kwake kinywani! Mpini Wa Shoka nao haukukosekana! Ilikuwa ni kama majira ya saa kumi kasoro hivi ya alasiri.